రేషన్ బియ్యంలో ఆకుపచ్చ గింజలు ప్లాస్టిక్ కాదు: ఫోర్టిఫైడ్ రైస్ అని అధికారుల వివరణ

రేషన్ బియ్యంలో కనిపించే ఆకుపచ్చ రంగు గింజలు ప్లాస్టిక్ బియ్యం కాదని అధికారులు స్పష్టం చేశారు. వీటిని ఫోర్టిఫైడ్ రైస్ అంటారు.

బియ్యం పిండికి Iron, Folic Acid, Vitamin B12 వంటి పోషకాలు కలిపి ఈ గింజలను తయారు చేస్తారు. వీటిని కేంద్ర ప్రభుత్వం రేషన్ బియ్యంలో కలుపుతుంది. ముఖ్యంగా మహిళలు, పుట్టబోయే పిల్లలు ఆరోగ్యంగా ఉండాలని ఈ విధానాన్ని అమలు చేస్తున్నట్టు అధికారులు చెబుతున్నారు.

రేషన్ బియ్యం కడిగేటప్పుడు నీటిపై ఆకుపచ్చ గింజలు కనిపిస్తే వాటిని ప్లాస్టిక్ బియ్యమని చాలా మంది భావిస్తున్నారు. అయితే ఇవి ప్లాస్టిక్ రైస్ కాదని, పోషకాలు కలిగిన ఫోర్టిఫైడ్ బియ్యమని నిపుణులు వివరించారు.

కిరాణా దుకాణాల్లో దొరికే పాలిష్ బియ్యంతో పోలిస్తే రేషన్ బియ్యం ఎక్కువ పోషకాలు కలిగి ఉంటుందని అధికారులు తెలిపారు. రేషన్ బియ్యాన్ని బయట అమ్మకుండా ఇంట్లో వాడాలని సూచించారు.