దాచేపల్లి పీహెచ్సీని ఆకస్మికంగా తనిఖీ చేసిన ఎమ్మెల్యే యరపతినేని

పల్నాడు జిల్లా దాచేపల్లిలోని మండల ప్రాథమిక ఆరోగ్య కేంద్రాన్ని గురజాల ఎమ్మెల్యే యరపతినేని శ్రీనివాసరావు ఆకస్మికంగా తనిఖీ చేశారు.

ఈ సందర్భంగా ఆయన ఆసుపత్రిలోని వివిధ విభాగాలను క్షుణ్నంగా పరిశీలించారు. సిబ్బంది నుంచి అందుబాటులో ఉన్న సదుపాయాలు, అవసరమైన ఇతర ఏర్పాట్ల గురించి వివరాలు అడిగి తెలుసుకున్నారు. ప్రజలకు అన్ని రకాల వైద్య సదుపాయాలు అందించాలని వైద్యులను ఆయన కోరారు.

గత రెండు నెలల క్రితం గురజాలలోని కమ్యూనిటీ హెల్త్ సెంటర్ ను కూడా తాను సందర్శించి, అక్కడ మౌలిక సదుపాయాలను పరిష్కరించానని ఆయన వివరించారు.

రోడ్డు ప్రమాదాలు ఎక్కువగా జరిగే ప్రాంతంలో ఈ పిహెచ్‌సి ఉండటంతో పాటు, సమీపంలో సిమెంట్, ఇతర పరిశ్రమలు ఉన్నాయని, అందువల్ల ఈ ఆరోగ్య కేంద్రం చాలా ముఖ్యమైందని ఆయన వివరించారు.

‘పిహెచ్‌సిని ఎప్పటికప్పుడు అప్రమత్తంగా ఉంచాల్సిన అవసరం ఉంది’ అని ఆయన అన్నారు. అవసరమైన సదుపాయాలను ప్రభుత్వం నుంచి, సీఎస్‌ఆర్ నిధుల నుంచి లేదా వ్యక్తిగతంగా సమకూర్చేందుకు కృషి చేస్తానని చెప్పారు.