హనుమకొండలో డబుల్ బెడ్రూమ్ ఇళ్ల పంపిణీ ఆలస్యం

హనుమకొండ జిల్లా కేంద్రంలో నిరుపేదల కోసం నిర్మించిన 608 డబుల్ బెడ్రూమ్ ఇళ్లు ఇప్పటికీ పంపిణీ కాలేదు.

31వ డివిజన్ న్యూసాయంపేట రైల్వే ట్రాక్‌కు ఆవల ఎనిమిది ఎకరాల్లో 19 బ్లాకులలో చెరి 32 చొప్పున ఈ ఇళ్లను గత బీఆర్‌ఎస్ ప్రభుత్వం నిర్మించింది. నిర్మాణాలు పూర్తయి రెండున్నరేళ్లు దాటినా ప్రస్తుతం అధికారంలో ఉన్న కాంగ్రెస్ ప్రభుత్వం ఇప్పటివరకు లబ్ధిదారులకు కేటాయించలేదు.

ఎంపికైన లబ్ధిదారులు సైతం ఇళ్ల కోసం ఎదురుచూస్తున్నారు. ఇళ్లు వాడుకలో లేకపోవడంతో అవి చెత్త కుప్పలుగా మారిపోయాయని, కిటికీలు విరిగిపోయాయని, అసాంఘిక కార్యకలాపాలు జరుగుతున్నాయని స్థానికులు ఆవేదన వ్యక్తం చేస్తున్నారు. పశ్చిమ నియోజకవర్గ ఎమ్మెల్యే ఈ విషయంలో చొరవ చూపడం లేదని, వెంటనే ఇళ్లను పంపిణీ చేయాలని వారు డిమాండ్ చేస్తున్నారు. ఈ విషయంపై ప్రభుత్వం నుంచి ఇప్పటివరకు ఎలాంటి స్పందన రాలేదు.