జాతీయ చేనేత దినోత్సవం: చంద్రబాబు ముఖచిత్రాన్ని మగ్గంపై నేసిన దంపతులు

శ్రీకాకుళం జిల్లా ఎచ్చర్ల నియోజకవర్గం, లావేరు గ్రామానికి చెందిన బాసిన నాగేశ్వరరావు, లక్ష్మీ దంపతులు మగ్గంపై సీఎం చంద్రబాబు ముఖచిత్రాన్ని నేశారు. జాతీయ చేనేత దినోత్సవం సందర్భంగా సీఎంకు బహుకరించేందుకు సుమారు నెల రోజుల పాటు శ్రమించి దీన్ని రూపొందించినట్టు తెలిపారు.

మీటర్ వెడల్పు, మీటర్ పొడవున ఉన్న ఈ ప్రత్యేక చేనేత వస్త్రంలో చంద్రబాబు ఫోటోతోపాటు ఆయన పేరు, స్థానిక ఎమ్మెల్యే, ఎంపీల పేర్లను కూడా చేర్చారు. 2 మీటర్ల పొడవైన ప్రత్యేక శాలువాను కూడా తయారు చేశారు.

గతంలో ప్రధానమంత్రికి కూడా చేనేత దినోత్సవం నాడు ఇలాంటి వస్త్రాన్ని సమర్పించినట్టు దంపతులు తెలిపారు. చేనేత కార్మికుల పరిస్థితిపై సీఎం చర్యలు తీసుకుంటారని తాము ఈ కృషి చేశామన్నారు.