హరీష్ రావు: KCR కోచింగ్ సెంటర్‌లో పట్టుదలతో చదవాలని విద్యార్థులకు సూచన

సిద్దిపేటలోని KCR కోచింగ్ సెంటర్‌లో హరీష్ రావు విద్యార్థులను ఉద్దేశించి మాట్లాడారు. పట్టుదలతో చదివి ఉద్యోగం సాధించాలని ఆయన సూచించారు.

ఈ కోచింగ్ ఉచితం కాదని హరీష్ రావు చెప్పారు. విద్యార్థుల తరఫున తానే ఫీజు చెల్లిస్తున్నానని తెలిపారు. ఉచితం అనుకుంటే చదువుపై శ్రద్ధ తగ్గుతుందని అభిప్రాయపడ్డారు. హైదరాబాద్ నుంచి మంచి ట్యూటర్లను సిద్దిపేటకు తీసుకొచ్చామని చెప్పారు.

కేసీఆర్ పేరును తెలంగాణ సాధన పట్టుదలకు గుర్తుగా ఈ కేంద్రానికి పెట్టామని ఆయన వివరించారు. తరగతులు ఉదయం 9 నుంచి సాయంత్రం 5 వరకు నిర్వహిస్తామని తెలిపారు. ఆలస్యంగా రావద్దని, ఒక్క తరగతి మిస్ అయినా సబ్జెక్ట్ పోతుందని హెచ్చరించారు. రేపటి నుంచి ఉదయం 9 గంటలకు తరగతులు ప్రారంభం అవుతాయని చెప్పారు.