తుంగభద్ర నీటి హక్కులపై CM రేవంత్‌కు హరీష్ రావ్ బహిరంగ లేఖ

BRS MLA మాజీ మంత్రి హరీష్ రావ్ తుంగభద్ర నీటి హక్కుల పరిరక్షణ కోసం ముఖ్యమంత్రి రేవంత్ రెడ్డికి బహిరంగ లేఖ రాశారు.

రాష్ట్ర ప్రయోజనాలను పక్క రాష్ట్రాల దగ్గర తాకట్టు పెట్టే ప్రమాదకరమైన విధానాలు ప్రభుత్వం అవలంబిస్తోందని ఆయన ఆరోపించారు. కర్ణాటక తుంగభద్రపై చేపడుతున్న అక్రమ ప్రాజెక్టులను వెంటనే అడ్డుకోవాలని డిమాండ్ చేశారు.

నదుల అనుసంధానం పేరిట గోదావరి జలాలను మళ్లించే ఆంధ్రప్రదేశ్ ప్రయత్నాలకు తెలంగాణ ప్రభుత్వం పూర్తి సహకారం అందిస్తోందని హరీష్ రావ్ విమర్శించారు. నీటి హక్కుల విషయంలో ప్రభుత్వ వైఖరిపై BRS నేతలు అసంతృప్తి వ్యక్తం చేస్తున్నారు.