సెలవులతో శ్రీశైలం ఘాట్ రోడ్డులో కిలోమీటర్ల మేర వాహనాల ట్రాఫిక్ జామ్

నంద్యాల జిల్లా శ్రీశైల పుణ్యక్షేత్రానికి వరుస సెలవుల కారణంగా భక్తులు భారీగా తరలివచ్చారు. దీంతో శ్రీశైలం ఘాట్ రోడ్డులో కిలోమీటర్ల మేర ట్రాఫిక్ జామ్ అయింది.

నిన్నటి నుంచి వాహనాలు చాలా నెమ్మదిగా కదులుతున్నాయి. సాక్షి గణపతి విగ్రహం నుంచి హటకేశ్వరం వరకు వాహనాలు నిలిచిపోయాయి. ముఖద్వారం నుంచి సున్నిపెంట వరకు ట్రాఫిక్ అంతరాయం కొనసాగుతోంది.

కుటుంబాలతో వచ్చిన భక్తులు గంటల తరబడి ట్రాఫిక్‌లో చిక్కుకున్నారు. వారు తీవ్ర అసౌకర్యానికి గురవుతున్నారు. దర్శనానికి ఎక్కువ సమయం పడుతుందని భక్తులు చెబుతున్నారు.