కామారెడ్డిలో భారీ వర్షాలు: పెద్ద చెరువు నిండి అలుగు పారుతోంది

కామారెడ్డి జిల్లాలో భారీ వర్షాలు కురుస్తున్నాయి. కామారెడ్డి పెద్ద చెరువు పూర్తిగా నిండి అలుగు పోస్తోంది. రాత్రి ఒకే రోజు 18 సెంటీమీటర్ల వర్షపాతం నమోదైనట్లు అధికారులు తెలిపారు.

ఎగువ ప్రాంతాలైన తాడ్వాయి, లింగంపేట, ఎల్లారెడ్డి నుంచి వరద నీరు చేరుతోంది. దీంతో చెరువు నిండుకుంది. గత సంవత్సరం భారీ వరదల కారణంగా జీఆర్ కాలనీ, హౌసింగ్ బోర్డు కాలనీలు నీటమునిగాయి. ప్రస్తుతం దిగువ ప్రాంతాలకు వరద నీరు ప్రవహిస్తోంది. మరో రెండు రోజులు ఇదే ప్రవాహం కొనసాగితే కాలనీలు మళ్లీ నీటమునిగే ప్రమాదం ఉంది.

చెరువు వద్ద పోలీసులు మోహరించారు. కోతకు గురవుతున్న కట్టడాలు ప్రమాదకరంగా ఉండడంతో, సందర్శకులు చెరువు దగ్గరకు రావద్దని హెచ్చరిస్తున్నారు. అయినా కొందరు ప్రజలు చూసేందుకు వస్తున్నారు.

పోచారం ప్రాజెక్టు కూడా నిండింది. పూర్తి నీటి మట్టంతో డ్యామ్ నుంచి నీరు కిందికి ప్రవహిస్తోంది. నిజాం సాగర్ ప్రాజెక్టుకు ఎగువ నుంచి భారీగా వరద నీరు వచ్చి చేరుతోంది. ప్రస్తుతం 6.55 టీఎంసీల నీటి నిల్వ ఉన్నట్లు అధికారులు తెలిపారు.

జిల్లా కలెక్టర్ అధికారులను అప్రమత్తం చేశారు. కాలనీలను రక్షించేందుకు అవసరమైన చర్యలు తీసుకోవాలని ఆదేశించారు.