బుల్లెట్ ట్రైన్ ఆలస్యంపై జపాన్ మాజీ మంత్రి హిడేకి మహికారా ఆరోపణలు; MEA ఖండన

జపాన్ మాజీ మంత్రి హిడేకి మహికారా ముంబై-అహ్మదాబాద్ బుల్లెట్ ట్రైన్ నిర్మాణం ఆలస్యానికి భారత అధికారులే కారణమని ఆరోపించారు.

ఒక జపాన్ పత్రికలో వ్యాసం వెలువడిన నేపథ్యంలో ఆయన సోషల్ మీడియా X లో ఈ వ్యాఖ్యలు చేశారు. "ఈ ప్రాజెక్ట్ కోసం ఏర్పాటైన భారత బృందం కేవలం స్వప్రయోజనం చూసుకుందే తప్ప, ప్రాజెక్ట్ అమలుపై నిబద్ధత చూపలేదు," అని విమర్శించారు. షిన్కన్సెన్ నమూనా నుంచి వైదొలగడంతోపాటు, హై స్పీడ్ రైల్ నెట్వర్క్ సిగ్నలింగ్ వ్యవస్థ నుంచి జపాన్ పక్షాన్ని తప్పించారని ఆరోపించారు.

ఈ ఆరోపణలను భారత విదేశాంగ శాఖ అధికార ప్రతినిధి రణధీర్ జైస్వాల్ ఖండించారు. "ఇది ఆయన వ్యక్తిగత అభిప్రాయం మాత్రమే. ముంబై-అహ్మదాబాద్ హై స్పీడ్ రైలు ప్రాజెక్ట్పై భారత్-జపాన్ మధ్య చర్చలు సాఫీగా సాగుతున్నాయి. 2030 ప్రారంభంలో తొలి రైలును జపాన్ అందిస్తుంది. ఇది ఇంకా అభివృద్ధి దశలోనే ఉంది. తొలి భారతీయ హై స్పీడ్ రైలుతో కార్యకలాపాలు మొదలుపెట్టడానికి ఇరు దేశాలు ఒప్పందం కుదుర్చుకున్నాయి," అని ఆయన తెలిపారు.