అధిక సాంద్రత పద్ధతిలో పత్తి సాగు: తక్కువ పెట్టుబడి, అధిక దిగుబడి

తేలికపాటి భూముల్లో పత్తి సాగు చేసే రైతులు అధిక సాంద్రత పద్ధతిని అనుసరించాలని శాస్త్రవేత్తలు సూచిస్తున్నారు. మహబూబాబాద్ జిల్లా మాల్యాల KVK ప్రోగ్రాం కోఆర్డినేటర్ మాలతి ఈ పద్ధతి వివరాలు తెలిపారు.

సాంప్రదాయ పద్ధతిలో ఎకరానికి 5,000 నుంచి 8,000 మొక్కలు నాటుతారు. అధిక సాంద్రత పద్ధతిలో 25,000 నుంచి 29,000 మొక్కలు నాటవచ్చు. సాళ్ల మధ్య 3 అడుగులు (80 cm), మొక్కల మధ్య 15 నుంచి 20 cm దూరం ఉంచాలి.

విత్తిన 40 రోజులకు 'చమత్కార' అనే growth regulator పిచికారి చేయాలి. అవసరమైతే 60-70 రోజుల మధ్య మళ్లీ పిచికారి చేయాలి. దీంతో పూత, కాత ఒకేసారి వస్తాయి. పత్తి దీపావళి నాటికి పూర్తిగా ఏరుకోవచ్చు.

తేలికపాటి భూముల్లో సాధారణంగా ఎకరానికి 6-7 క్వింటాళ్ల దిగుబడి వస్తుంది. రేగడి నేలల్లో 10-12 క్వింటాళ్లు వస్తుంది. దేశవ్యాప్తంగా 60% పత్తి రైతులు తేలికపాటి భూముల్లో సాగు చేస్తున్నారు.

పత్తి ఒకేసారి పక్వానికి రావడంతో machine ద్వారా ఏరుకోవచ్చు. కూలీల కొరత సమస్య తగ్గుతుంది. పత్తి తర్వాత యాసంగిలో రెండో పంట కూడా వేసుకోవచ్చు. జనవరి-ఫిబ్రవరిలో ఉదృతంగా కనిపించే గులాబీ రంగు పురుగు సమస్యను కూడా ఈ పద్ధతి ద్వారా నియంత్రించవచ్చు.