ప్రపంచంలోనే అత్యెత్తైన హిక్కిం పోస్టాఫీస్‌కు పర్యాటకుల పోటెత్తు

ప్రపంచంలో అత్యంత ఎత్తులో ఉన్న పోస్ట్ ఆఫీస్ హిమాచల్ ప్రదేశ్ లోని హిక్కిం గ్రామంలో ఉంది. సముద్ర మట్టానికి 15,500 అడుగుల ఎత్తున ఉన్న ఈ పోస్టాఫీస్ ఇప్పుడు పర్యాటకులకు ప్రధాన ఆకర్షణగా మారింది.

స్పితి లోయలోని కుల్లు ప్రాంతంలో వేసవి కాలంలో పర్యాటకులు భారీగా వస్తుంటారు. ఈ లోయ చల్లని ఎడారి లాంటి ప్రదేశం. ఇక్కడ ప్రపంచంలోనే ఎత్తైన హిక్కిం పోస్టాఫీస్ ఉండడంతో సందర్శకులు తమ బంధువులకు, స్నేహితులకు ఇక్కడి నుంచి పోస్ట్ కార్డులు పంపేందుకు ఆసక్తి చూపుతున్నారు.

ఈ ఏడాది మే నెలలో దాదాపు 28,500 రూపాయల విలువైన పోస్ట్ కార్డులు అమ్ముడైనట్టు అధికారులు తెలిపారు. ఈ నెలలో ఇప్పటికే 2.83 లక్షల రూపాయల విలువైన కార్డులు, స్టాంపులు విక్రయించారు. పెరుగుతున్న రద్దీ కారణంగా పోస్టాఫీస్‌ను రాత్రి వరకు తెరిచి ఉంచుతున్నారు.