హిందూపురంలో కర్ణాటకకు తరలిస్తున్న 16 టన్నుల PDS బియ్యం స్వాధీనం

శ్రీ సత్యసాయి జిల్లా హిందూపురంలో ప్రభుత్వ పౌర సరఫరాల (PDS) బియ్యాన్ని కర్ణాటకకు అక్రమంగా తరలిస్తున్న వాహనాన్ని పోలీసులు పట్టుకున్నారు. మనేసముద్రం గ్రామం వద్ద జరిపిన తనిఖీలో సుమారు 15,000 కేజీల (16 టన్నుల) PDS బియ్యాన్ని అధికారులు స్వాధీనం చేసుకున్నారు.

ఈ బియ్యాన్ని కర్ణాటకలోని తుంకూరు ప్రాంతానికి తరలిస్తున్నారని సమాచారం అందడంతో జిల్లా SP ఎస్. సతీష్ కుమార్ ఆదేశాల మేరకు SI లక్ష్మీనారాయణ తన సిబ్బందితో తనిఖీలు చేశారు. CI ఆంజనేయులు, పౌర సరఫరాల డిప్యూటీ తహసీల్దార్ హారతి, VRO ల సమక్షంలో వాహనాన్ని సీజ్ చేశారు.

వాహనాన్ని తనిఖీ చేయగా PDS బియ్యమని గుర్తించారు. అక్రమ రవాణాలో పాల్పడినందుకు సోమందేపల్లికి చెందిన మహేష్, కురుబ రామకృష్ణప్ప అనే ఇద్దరిపై కేసు నమోదు చేసినట్లు పోలీసులు తెలిపారు. స్వాధీనం చేసుకున్న బియ్యాన్ని పౌర సరఫరాల శాఖకు అప్పగించారు.