హైదరాబాద్కు మూడు బుల్లెట్ ట్రైన్ కారిడార్లు మంజూరు

హైదరాబాద్ నగరాన్ని బుల్లెట్ ట్రైన్ హబ్‌గా మార్చడానికి కేంద్ర ప్రభుత్వం అనుమతించింది. ఇప్పటికే దేశవ్యాప్తంగా మంజూరైన ఏడు బుల్లెట్ రైలు కారిడార్లలో మూడు హైదరాబాద్ కేంద్రంగా ఏర్పాటు కానున్నాయి.

ఈ మూడు కారిడార్లు హైదరాబాద్-పుణే, హైదరాబాద్-చెన్నై, హైదరాబాద్-బెంగళూరు మార్గాల్లో నిర్మించనున్నారని రైల్వే మంత్రి అశ్విని వైష్ణవ్ తెలిపారు. ఈ ప్రాజెక్టులను మేడ్ ఇన్ ఇండియా సాంకేతికతతో రూపొందించనున్నారు.

గంటకు 350 కిలోమీటర్ల వేగంతో ప్రయాణించే ఈ రైళ్ల ద్వారా ప్రయాణ సమయాలు గణనీయంగా తగ్గనున్నాయి. హైదరాబాద్ నుంచి అమరావతికి 70 నిమిషాలు, బెంగళూరుకు 2 గంటల 35 నిమిషాలు, చెన్నైకి 3 గంటల్లో చేరుకోవచ్చని అంచనా. పుణే కారిడార్ ద్వారా ముంబైకి 2 గంటల 50 నిమిషాల్లో ప్రయాణించవచ్చు.

దక్షిణ భారతదేశంలోని ప్రధాన నగరాల మధ్య ఆర్థిక సమైక్యతను ఈ ప్రాజెక్టులు బలోపేతం చేస్తాయని విశ్లేషకులు భావిస్తున్నారు. 2047 నాటికి వికసిత్ భారత్ లక్ష్యంతో చేపట్టిన ఈ కార్యక్రమం తెలంగాణ ఆర్థిక వ్యవస్థకు మరింత ఊతమిస్తుంది.