హైదరాబాద్ ఈ-ఛాంపియన్స్‌కు ఈటీవీ డైరెక్టర్ సుజయ్ ప్రోత్సాహం, ట్రోజన్ సోలార్ రూ.25,000 బహుమతి

హైదరాబాద్ ఈ-ఛాంపియన్స్ జట్టు ఓటమి నుంచి పుంజుకుని క్వాలిఫయర్-2 గెలిచి ఫైనల్‌కు చేరుకుంది. క్వాలిఫయర్-1లో ఓడిన అనంతరం క్వాలిఫయర్-2లో మెరుగైన ఆటతీరు కనబరిచింది.

మ్యాచ్ ముగిసిన వెంటనే జట్టు సభ్యులను ఈటీవీ డైరెక్టర్ సుజయ్, ఈటీవీ భారత్ డైరెక్టర్ బృహతి, దివిజ, ట్రోజన్ సోలార్ సంస్థ వ్యవస్థాపకురాలు భవాని సురేష్, సీఈవో శ్రీనివాస్‌లతో పాటు పలువురు సత్కరించారు. ఫైనల్ చేరడంతో ముందు ప్రకటించిన ప్రకారం ప్రతి ఆటగాడికి రూ.25,000 చొప్పున బహుమతి ఇస్తామని ట్రోజన్ సోలార్ ప్రతినిధులు ప్రకటించారు.

ఈ సందర్భంగా సుజయ్ మాట్లాడుతూ, క్వాలిఫయర్-1లో ఎదురైన ఓటమిని సెట్‌బ్యాక్‌గా కాక ఒక అవకాశంగా చూడాలని, దాన్నుంచి నేర్చుకుని ఫైనల్‌లో మరింత మెరుగ్గా ఆడతారని తనకు నమ్మకం ఉందని అన్నారు. ‘మీరు ఈరోజు ఆడిన ఆటలో ఎలాంటి లోపం లేదు. ఎప్పుడూ మెరుగుదలకు అవకాశం ఉంటుంది. రేపటి ఫైనల్‌లో అదే జోరు కొనసాగిస్తే విజయం మనదే’ అని ప్రోత్సహించారు.