యాదాద్రి ఆలయ తొలి పాలక మండలి ప్రమాణ స్వీకారం నేడు; దర్శనం వేళల్లో మార్పు

యాదాద్రి లక్ష్మీనరసింహస్వామి ఆలయంలో నేడు తొలి పాలక మండలి సభ్యులు ప్రమాణ స్వీకారం చేయనున్నారు. ఉదయం 11:37 గంటలకు ఆలయ ముఖమండపంలోని బంగారు వాకిలి వద్ద ఈ కార్యక్రమం జరగనుంది.

చైర్మన్‌తో సహా 17 మంది సభ్యులు ప్రమాణ స్వీకారం చేయనుండగా, ఆలయ కార్యనిర్వహణాధికారి (ఈవో) వీరికి ప్రమాణ సూత్రం చేయింపనున్నారు.

పాలక మండలి ప్రమాణ స్వీకారం నేపథ్యంలో ఆలయంలో దర్శనం, నిత్య కైంకర్యాల వేళల్లో మార్పులు చేశారు. ఉదయం 11 గంటల నుంచి మధ్యాహ్నం 1 గంట వరకు స్వామి వారి దర్శనాలు తాత్కాలికంగా నిలిపివేశారు. ఉదయం 9 గంటల నుంచి మధ్యాహ్నం 1 గంట వరకు కొండపైకి ప్రైవేట్ వాహనాలకు అనుమతి లేదు. సుదర్శన హోమం ఉదయం 8 గంటల నుంచి 10 గంటల లోపు ముగుస్తుంది. ఉదయం 9 నుంచి 9.30 వరకు మాత్రమే బ్రేక్ దర్శనాలకు అవకాశం ఉంటుంది. నిత్య కళ్యాణ మహోత్సవం 10.30 నుంచి మధ్యాహ్నం 1 గంట వరకు జరుగుతుంది.