హైదరాబాద్ గచ్చిబౌలి భవన కూలిన ఘటన: బిల్డర్ సాజిద్ ఖాన్ అరెస్ట్

హైదరాబాద్ గచ్చిబౌలి అంజయ నగర్‌లో ఏడు అంతస్తుల భవనం కూలిన ఘటనలో ఇద్దరు కార్మికులు చనిపోయారు. ఈ కేసులో బిల్డర్, యజమాని సాజిద్ ఖాన్‌ను పోలీసులు అరెస్ట్ చేశారు.

నిబంధనలకు విరుద్ధంగా నాలాను ఆక్రమించి ఈ భవనాన్ని నిర్మించినట్లు అధికారులు తెలిపారు. ఈ ఘటనపై బాధ్యులపై క్రిమినల్ కేసులు నమోదు చేశారు. దర్యాప్తు కొనసాగుతోంది.

పక్కనే ఉన్న మరో భవనానికి పగుళ్లు రావడంతో అధికారులు అప్రమత్తమయ్యారు. అక్కడ నివసిస్తున్న ఐదు కుటుంబాలను ఖాళీ చేయించారు. స్థానిక టౌన్ ప్లానింగ్ అధికారి సంతోష్‌ను విధుల నుంచి తొలగించారు. కూలిన ప్రాంతంలో సహాయక చర్యలు కొనసాగుతున్నాయి.