హైదరాబాద్‌లో గణేశ్ నిమజ్జన వేడుకలు; ఖైరతాబాద్ విగ్రహం హుసేన్ సాగర్ వైపు

హైదరాబాద్ నగరంలో గణేశ్ నిమజ్జన వేడుకలు జరుగుతున్నాయి. తొమ్మిది రోజుల పాటు పూజలు అందుకున్న గణేశ విగ్రహాలను భక్తులు హుసేన్ సాగర్ వైపు తీసుకువెళ్తున్నారు. నగరంలోని వివిధ ప్రాంతాల నుంచి శోభాయాత్రలు బయలుదేరాయి.

ఖైరతాబాద్ బడా గణేశ్ శోభాయాత్ర తెలుగు తల్లి ఫ్లైఓవర్ మీదుగా కదులుతోంది. ఆ విగ్రహం హుసేన్ సాగర్ వద్ద క్రేన్ నంబర్ 4 దగ్గరకు చేరుకోనుంది. నిమజ్జనానికి అధికారులు ఏర్పాట్లు పూర్తి చేశారు.

భక్తులు కుటుంబ సమేతంగా డప్పులు, డీజే సంగీతం, కోలాటాలతో విగ్రహాలను తరలిస్తున్నారు. భక్తుల కోసం హైదరాబాద్ మెట్రో రైళ్లు రాత్రి 1 గంట వరకు నడుస్తాయని అధికారులు తెలిపారు.

నగరంలో 140 ప్రదేశాల్లో నిమజ్జన కార్యక్రమాలు జరుగుతున్నాయి. వీటన్నిటిపై ప్రత్యేక నిఘా ఉంది. హుసేన్ సాగర్ వద్ద ఉదయం నుంచి నిమజ్జన కార్యక్రమాలు కొనసాగుతున్నాయి.