మహిళ ఫిర్యాదుతో జూబ్లీ హిల్స్ సీఐ సస్పెండ్

హైదరాబాద్ పోలీస్ కమిషనర్ సజ్జనార్ జూబ్లీ హిల్స్ ఇన్స్పెక్టర్ శ్రీనివాసుల్ రెడ్డిని సస్పెండ్ చేశారు. ఓ మహిళ చేసిన ఫిర్యాదు మేరకు ఈ చర్య తీసుకున్నట్లు అధికారులు తెలిపారు.

సంగారెడ్డి జిల్లా అమీన్పూర్ పోలీస్ స్టేషన్లో శ్రీనివాసుల్ రెడ్డి సీఐగా పనిచేస్తున్న సమయంలో, ఒక మహిళ తన భర్తపై ఫిర్యాదు కోసం వచ్చింది. ఆ సందర్భంలో ఆమె బలహీనతను ఆసరాగా చేసుకున్న శ్రీనివాసుల్ రెడ్డి, ఆమెను మాటల్లో పెట్టి వివాహితర సంబంధం పెట్టుకున్నారు. అంతేకాకుండా, మహిళ వీడియోలను అడ్డంగా పెట్టుకుని దాదాపు కోటి రూపాయలకు పైగా డబ్బులు వసూలు చేసినట్లు ఆరోపణలు ఉన్నాయి.

బాధిత మహిళ తన వద్ద ఉన్న ఆధారాలతో బీజేపీ కార్యాలయానికి, డీజీపీకి ఫిర్యాదు చేశారు. దీనిపై ఇంటర్నల్ కమిటీ విచారణ జరిపింది. విచారణలో ఆమె చేసిన అభియోగాలు నిజమని తేలడంతో, హైదరాబాద్ కమిషనర్ సస్పెన్షన్ ఆదేశాలు జారీ చేశారు. శ్రీనివాసుల్ రెడ్డి బాధిత మహిళను బెదిరించినట్లు కూడా సాక్ష్యాలు లభ్యమయ్యాయి.

గతంలో శ్రీనివాసుల్ రెడ్డిపై చిన్న స్థాయి ఫిర్యాదులు వచ్చినా, ఈ కేసే పెద్దది. ఆయన తన పదవి ప్రభావం చూపిస్తూ, ఉన్నతాధికారుల అండ ఉందంటూ బెదిరించేవారని బాధిత మహిళ పేర్కొన్నారు. ప్రస్తుతం సస్పెండ్ అయిన శ్రీనివాసుల్ రెడ్డిపై శాఖాపరమైన చర్యలు కొనసాగుతాయని పోలీస్ వర్గాలు తెలిపాయి.