హైదరాబాద్ మెట్రో రెండో దశకు కేంద్రం సూత్రప్రాయ అంగీకారం

హైదరాబాద్ మెట్రో రెండో దశ ప్రాజెక్టుకు కేంద్ర పట్టణాభివృద్ధి శాఖ మంత్రి మనోహర్‌లాల్ ఖట్టర్ సూత్రప్రాయ అంగీకారానికి అభ్యంతరం లేదని తెలిపారు. ఈ విషయాన్ని కేంద్ర మంత్రి కిషన్ రెడ్డి వెల్లడించారు.

మెట్రో DPR అందిన తర్వాత తుది నిర్ణయం తీసుకుంటామని ఖట్టర్ తెలిపినట్లు కిషన్ రెడ్డి చెప్పారు. కేంద్రం, రాష్ట్రం చెరో సగం ఖర్చు భరించే విధంగా ముందుకు వెళ్లేందుకు సిద్ధంగా ఉన్నాయని కిషన్ రెడ్డి ఒక ప్రకటనలో తెలిపారు.

162 కిలోమీటర్ల మేర విస్తరణ ప్రతిపాదనలు రాష్ట్రం కేంద్రానికి పంపినట్లు కిషన్ రెడ్డి పేర్కొన్నారు. కేంద్రం వాటిని పరిశీలించి తదుపరి చర్యలు చేపడుతుందని ఖట్టర్ తెలిపినట్లు వివరించారు.