12 ఏళ్ల బాలికపై అత్యాచారం: నిందితుడికి 10 ఏళ్ల కఠిన కారాగార శిక్ష

హైదరాబాద్‌లోని ఫిల్మ్‌ నగర్‌కు చెందిన మహమ్మద్ మోసిన్‌కు పోక్సో ప్రత్యేక కోర్టు 10 ఏళ్ల కఠిన కారాగార శిక్ష విధించింది. 2019లో 12 ఏళ్ల బాలికపై అత్యాచారం చేసిన కేసులో ఈ తీర్పు వెలువడింది.

మోసిన్ తన బంధువు అయిన 12 ఏళ్ల బాలికను పలుమార్లు లైంగికంగా వేధించి అత్యాచారానికి పాల్పడ్డాడు. బాలిక అనారోగ్యానికి గురికావడంతో తల్లి ఆరా తీయగా విషయం వెలుగులోకి వచ్చింది. దీంతో పోలీసులు కేసు నమోదు చేసి దర్యాప్తు చేపట్టారు.

విచారణలో నేరం రుజువు కావడంతో కోర్టు నిందితుడికి 10 ఏళ్ల కఠిన కారాగార శిక్ష విధిస్తూ ఆగస్టు 9న తీర్పు వెలువరించింది.