హైదరాబాద్ పోలీసులకు AI ఆధారిత బహుభాషా ఫిర్యాదు యాప్

హైదరాబాద్ సిటీ పోలీస్ 'AI Copywriter' అనే కొత్త మొబైల్ యాప్‌ను అందుబాటులోకి తీసుకొచ్చింది. బాధితులు తమ మాతృభాషలో చెప్పే ఫిర్యాదులను పోలీసులు తక్షణమే రికార్డ్ చేసి అనువాదించుకోవడానికి ఈ యాప్ ఉపయోగపడుతుంది.

బంజారా హిల్స్‌లోని TGICC లో హైదరాబాద్ CP V.C. సజ్జనార్ ఈ యాప్‌ను ఆవిష్కరించారు. యాప్ పనితీరును ఆయన స్వయంగా పరిశీలించారు.

నగరంలోని 80కి పైగా పోలీస్ స్టేషన్లలో ఈ యాప్ అందుబాటులోకి రానుంది. 10కి పైగా ప్రధాన భారతీయ భాషలను గుర్తించే సామర్థ్యం ఈ యాప్‌కు ఉంది.

హైదరాబాద్ వంటి మెట్రో నగరంలో తెలుగు, ఇంగ్లీష్ తెలియని ఇతర రాష్ట్రాల వలస కార్మికులు, పర్యాటకులు ఫిర్యాదు చేసేటప్పుడు తీవ్ర ఇబ్బందులు పడుతున్నారు. భాష అర్థం కాక FIR నమోదులో తప్పులు జరగడం, సమాచారం తప్పుగా నమోదవడం వంటి సమస్యలకు ఈ యాప్ పరిష్కారం చూపుతుందని పోలీసులు తెలిపారు.

Blue Crowd Soft Tech Solutions సంస్థ సహకారంతో హైదరాబాద్ సిటీ పోలీస్ ఈ యాప్‌ను రూపొందించింది. దేశంలోనే తొలిసారిగా ఇలాంటి AI ఆధారిత multilingual complaint recording వ్యవస్థను అందుబాటులోకి తీసుకొచ్చినందుకు గర్వంగా ఉందని CP సజ్జనార్ పేర్కొన్నారు.