మానసిక అస్వస్థతతో వీధుల్లో తిరుగుతున్న వ్యక్తిని పోలీసులు ఆశ్రమానికి చేర్చారు

హైదరాబాద్‌లోని కుల్సుంపుర పోలీస్ స్టేషన్ పరిధిలో మానసిక అస్వస్థతతో వీధుల్లో తిరుగుతున్న ఒక వ్యక్తిని పోలీసులు గుర్తించారు. ఎస్ఐ ఆదేశాలతో కానిస్టేబుల్ శ్రీశైలం ఆ వ్యక్తిని చౌటుప్పల్‌లోని అమ్మా నాన్న అనాథ ఆశ్రమానికి తీసుకెళ్లారు.

ఆశ్రమ సిబ్బంది ఆయనకు రక్తపోటు, షుగర్ పరీక్షలు చేసి, భోజనం పెట్టారు. జుట్టు కత్తిరించి, స్నానం చేయించారు. ప్రస్తుతం ఆ వ్యక్తి ఆశ్రమంలో ప్రశాంతంగా ఉన్నారు.

ఈ వ్యక్తి కుటుంబ సభ్యులు ఎవరైనా ఈ వీడియో చూస్తే ఆశ్రమానికి వచ్చి ఆయనను తీసుకెళ్లాలని ఆశ్రమ వ్యవస్థాపకులు శంకర్ గురూజీ కోరుతున్నారు.