హైదరాబాద్‌లో రూ.1.60 కోట్ల సింథటిక్ డ్రగ్స్ స్వాధీనం, కేసు నమోదు

హైదరాబాద్ నాచారంలో ఎక్సైజ్ స్టేట్ టాస్క్‌ఫోర్స్, డ్రగ్ ఇన్స్పెక్టర్లు సంయుక్తంగా దాడులు నిర్వహించారు. ఈ దాడుల్లో 1.60 కోట్ల రూపాయల విలువైన నిషేధిత సింథటిక్ డ్రగ్స్, 5 కిలోల ఎన్బెంజిల్ పిపరజిన్ (NBZP) డ్రగ్స్ స్వాధీనం చేసుకున్నారు.

హైమా సింథసిస్ ప్రైవేట్ లిమిటెడ్ పై NDPS యాక్ట్ కింద కేసు నమోదు చేశారు. గుజరాత్ నుంచి తెచ్చిన ఈ డ్రగ్స్ హైదరాబాద్, బెంగళూరు, ముంబై నగరాలకు సరఫరా అవుతున్నట్లు గుర్తించారు.

డ్రగ్స్ విక్రయిస్తున్న ముదిగొండ ఈశ్వర్ పై కేసు నమోదు చేసి, నిందితుడిని నాచారం ఎక్సైజ్ స్టేషన్‌కు అప్పగించారు. డ్రగ్స్ సరఫరా నెట్వర్క్ పై మరింత దర్యాప్తు కొనసాగుతోందని టాస్క్‌ఫోర్స్ అధికారులు తెలిపారు.