హైదరాబాద్‌లో రెండు గంటలు భారీ వర్షం.. లోతట్టు ప్రాంతాల్లో నీరు నిలిచింది

హైదరాబాద్‌లో రెండు గంటల పాటు భారీ వర్షం కురిసింది. దీంతో లోతట్టు ప్రాంతాల్లో వర్షపు నీరు నిలిచింది. కొన్ని చోట్ల బండ్లు నీటిలో మునిగాయి.

జూబ్లీ హిల్స్, బంజారా హిల్స్, ఖైరతాబాద్, పంజాగుట్ట, బేగంపేట్, అమీర్‌పేట, మలక్‌పేట, ఎల్‌బీ నగర్, మియాపూర్, కూకట్‌పల్లి, గచ్చిబౌలి, ఉప్పల్, చార్మినార్, శాలిబండ, చంద్రయంగుట్ట ప్రాంతాల్లో వర్షం కురిసింది. హైదరాబాద్ అంతటా వర్షం కురిసినట్టు సమాచారం.

మేడ్చల్ ప్రాంతంలో ఇళ్ల మధ్య ఉన్న తాటి చెట్టుపై పిడుగు పడింది. దీంతో స్థానికులు భయపడ్డారు.

సాయంత్రం ఆఫీసుల నుంచి ప్రజలు ఇళ్లకు బయలుదేరే సమయంలో వర్షం కురిసింది. దీంతో అనేక చోట్ల ట్రాఫిక్ జామ్‌లు ఏర్పడ్డాయి.

ఎండ తీవ్రత నుంచి ఈ వర్షం కొంత ఉపశమనం ఇచ్చింది. రాష్ట్రంలోని కొన్ని జిల్లాల్లో చిన్నపాటి జల్లులు పడ్డాయి. కానీ వాటి వల్ల పెద్దగా ప్రయోజనం లేకపోయింది.