హైదరాబాద్ జంట జలాశయాల నుంచి నీటి దొంగతనం — కోట్ల రూపాయల అక్రమ వ్యాపారం

హైదరాబాద్‌లోని ఉస్మాన్ సాగర్, హిమాయత్ సాగర్ జలాశయాల నుంచి అక్రమంగా నీటిని తోడి ట్యాంకర్లలో అమ్ముకుంటున్న వ్యాపారులపై ఆరోపణలు వెలుగులోకి వచ్చాయి.

జలాశయాల సమీపంలో బోర్వెల్‌లు వేయడం, నేరుగా పైప్‌లైన్‌లు వేసి మోటార్లతో నీరు తోడటం ద్వారా ఈ వ్యాపారం జరుగుతోందని ఆరోపణలు ఉన్నాయి. హిమాయత్ సాగర్ పరిధిలోని సంధ్య కన్వెన్షన్ ప్రాంగణం వద్ద ఒక వ్యాపారి జలాశయంలోకి నేరుగా పైపులు వేసి నీటిని తరలిస్తున్నాడని పేర్కొంటున్నారు.

20 ట్యాంకర్లు రోజుకు 6 ట్రిప్పుల చొప్పున నడిచాయని లెక్కలు చెప్తున్నాయి. మూడు నెలల్లో 10,800 ట్రిప్పులు నమోదయ్యాయి. ఒక ట్యాంకర్‌కు ₹6,000 చొప్పున లెక్కిస్తే మొత్తం ₹6 కోట్ల 48 లక్షలు సంపాదించారని అంచనా. ఒక్క వ్యాపారి మూడు నెలల్లో ₹7 కోట్ల వరకు సంపాదించారని ఆరోపణలు ఉన్నాయి.

ఉస్మాన్ సాగర్ పరిధిలో జన్వాడ, ఖానాపూర్, వట్టినాగులపల్లి; హిమాయత్ సాగర్ పరిధిలో హిమాయత్ సాగర్ విలేజ్, మోయినాబాద్, అజీజ్ నగర్, కొత్వాత్‌గూడ, మంచిరేవుల, కిస్మత్‌పూర్, పుప్పాలగూడ, మరికొండ అనే 11 ప్రాంతాల్లో ఈ వ్యాపారం జరుగుతోందని పేర్కొంటున్నారు. IT కంపెనీలు, apartments, hostels, hotels, restaurants కి పెరిగిన నీటి డిమాండ్ ఈ అక్రమ వ్యాపారానికి అనుకూలంగా మారింది.

ఈ రెండు జలాశయాల FTL బఫర్ జోన్‌ పరిధిలో నీటి ట్యాంకర్ వ్యాపారం, బోర్వెల్ వేయడం పూర్తిగా నిషిద్ధం. అయినప్పటికీ ప్రతి ఎండాకాలం ఈ నిబంధనలు ఉల్లంఘిస్తున్నారు.

వాటర్ బోర్డ్ అధికారులు ఈ నీటి దొంగతనాన్ని అరికట్టాల్సిన బాధ్యత HYDRAA దని అంటున్నారు. HYDRAA కమిషనర్ రంగనాథ్ మాత్రం జలాశయాల నీటిని ట్యాంకర్ల ద్వారా తరలించడం HYDRAA పరిధిలోకి రాదని, ఇది వాటర్ బోర్డ్ పరిధి అని స్పష్టం చేశారు. స్థానిక రాజకీయ నాయకుల అండతో ఈ వ్యాపారం జరుగుతోందని ఆరోపణలు ఉన్నాయి. వాటర్ బోర్డ్ స్పందన ఇంకా రావాల్సి ఉంది.