సోమాజీగూడా బస్తీ కూల్చివేత రూమర్లపై హైడ్రా కమిషనర్ రంగనాథ్ స్పష్టీకరణ

హైదరాబాద్ లోని సోమాజీగూడాలో మక్తా బస్తీ ఇళ్ల కూల్చివేతలపై వ్యాపిస్తున్న రూమర్లకు హైడ్రా కమిషనర్ ఏవీ రంగనాథ్ స్పష్టీకరణ ఇచ్చారు. బస్తీలో ఉన్న ఇళ్లలో ఏ ఒక్కదాన్నీ హైడ్రా కూల్చడం జరగదని ఆయన భరోసా ఇచ్చారు.

రోడ్డు విస్తరణకు సంబంధించిన నోటీసులు ఆర్ఎన్బీ (Roads & Buildings) శాఖ జారీ చేసిందని, హైడ్రాకు వీటితో సంబంధం లేదని రంగనాథ్ వివరించారు. ప్రభావితమైన ఇళ్ల యజమానులకు నాలుగు రెట్ల నష్టపరిహారం అందుతుందని తెలిపారు.

ఈ బస్తీలు ఎఫ్టీఎల్ (FTL) బఫర్ జోన్‌లో లేవని, హైడ్రా పేరుతో కొంతమంది ఉద్దేశపూర్వకంగా తప్పుడు ప్రచారం చేస్తున్నారని ఆయన ఆరోపించారు. ఇలాంటి దుష్ప్రచారం చేసే వారిపై పోలీసులకు ఫిర్యాదు చేయాలని, అవసరమైతే కఠిన చర్యలు తీసుకోవాలని స్థానిక పోలీసులను ఆదేశించారు.

హైడ్రా పేరుతో బెదిరింపులు, నకిలీ నోటీసులు ఇచ్చే వారి వివరాలను హైడ్రాకు సమాచారం ఇవ్వాలని సూచించారు. హైడ్రా ఎప్పుడూ పేదల పక్షానే నిలుస్తుందని బస్తీవాసుల భయాన్ని తొలగించారు. శుక్రవారం ఉదయం నెక్లెస్ రోడ్ స్టేషన్ సమీపంలో నిరసన చేపట్టిన బస్తీ ప్రజలు రంగనాథ్ హామీలతో శాంతించారు.