IAF Chief: డ్రోన్లు, యుద్ధ విమానాలతో ఇంటిగ్రేటెడ్ ఎయిర్‌స్పేస్ తప్పనిసరి

డ్రోన్లు, యుద్ధ విమానాలు కలిసి ఉపయోగించే ఇంటిగ్రేటెడ్ ఎయిర్‌స్పేస్ నిర్మాణం తప్పనిసరి అని IAF చీఫ్ ఎయిర్ చీఫ్ మార్షల్ AP సింగ్ స్పష్టం చేశారు. మానవ సహిత యుద్ధ విమానాలు, లాంగ్-రేంజ్ వెక్టర్లతో కూడిన వర్తమాన వైమానిక కార్యకలాపాలు డ్రోన్ల రాకతో కీలక దశకు చేరుకుంటున్న నేపథ్యంలో ఆయన ఈ వ్యాఖ్యలు చేశారు. ప్రస్తుతం చిన్న మైక్రో డ్రోన్ల నుండి పూర్తి విమానం లాంటి అన్మ్యాన్డ్ ఏరియల్ సిస్టమ్స్ (UAS) వరకు అనేక రకాల డ్రోన్లు ఒకే ఎయిర్‌స్పేస్‌ని వాడతాయని, వీటిని సమన్వయం చేసే సామర్థ్యం కీలకమని ఆయన వివరించారు. మ్యాన్డ్, అన్మ్యాన్డ్ ప్లాట్‌ఫామ్‌ల మధ్య పోజిషనింగ్, సిట్యుయేషనల్ అవేర్‌నెస్, ప్రొసీజరల్ కంట్రోల్ వంటి అంశాల్లో ఇంటిగ్రేషన్ తప్పనిసరి అని తెలిపారు. డ్రోన్లు మరింత చిన్నవి కావడంతో ఇంజిన్లు తేలికై పెలోడ్ సామర్థ్యం తగ్గిపోతోందని, అలాగే ఆయుధాలు, కెమెరాలు వంటి పేలోడ్లను కూడా మినీయటరైజ్ చేయాల్సిన అవసరం ఉందని ఆందోళన వ్యక్తం చేశారు. PCB బేస్డ్ మోటార్ వంటి కొత్త టెక్నాలజీతో తయారైన తేలిక డ్రోన్లకు తగ్గ భారంలో సామర్థ్యవంతమైన పరికరాలు అవసరమని చెప్పారు. భారత వాయుసేన రాబోయే కాలంలో డ్రోన్ సాంకేతికతతో సమగ్ర వ్యూహాత్మక శక్తిగా రూపాంతరం చెందుతుందని, ఇందుకు ఇంటిగ్రేటెడ్ ఎయిర్‌స్పేస్ ప్రాధాన్యత వహిస్తుందని నిపుణులు అంచనా వేస్తున్నారు.