విధానాలను అమలుకు ముందే పరీక్షించే AI వేదిక జననీతి

పెద్ద విధానాలు, ప్రాజెక్టులు అమలు చేయడానికి ముందే వాటి ఫలితాలను అంచనా వేసే AI వేదికను ఫరీదాబాద్కు చెందిన జననీతి టెక్నాలజీస్ రూపొందించింది. గౌతమ్ అదానీ ప్రారంభించిన వందే భారతమ్ కార్యక్రమంలో సహ వ్యవస్థాపకులు సక్షమ్, ఋషికా ఈ ప్లాట్ఫామ్ను ప్రదర్శించారు.

ఐఐటీ కాన్పూర్, స్టాన్ఫోర్డ్ నేపథ్యం ఉన్న ఈ బృందం రూపొందించిన జననీతి, వర్చువల్ ప్రపంచాన్ని సృష్టించి ప్రజలు, కమ్యూనిటీలు, వ్యాపారాలు, సంస్థలు తమ తమ నిర్ణయాలు ఎలా తీసుకుంటాయో సిమ్యులేట్ చేస్తుంది. అమలుకు ముందే రిస్క్లు, అంతరాలు, దాగి ఉన్న అవకాశాలను గుర్తించడమే దీని లక్ష్యం.

నీతి ఆయోగ్ జల్ జీవన్ మిషన్పై చేసిన ప్రూఫ్ ఆఫ్ కాన్సెప్ట్లో 2019 నాటి వర్చువల్ ప్రపంచాన్ని రూపొందించి, విద్యుత్ కొరత కారణంగా నీటి సరఫరా పరిమితం అయ్యే అంతరాన్ని ముందే గుర్తించారు. ప్రస్తుతం JGM 2.0 ఈ సమస్యను పరిష్కరిస్తోందని వారు తెలిపారు. ఈ కేస్ స్టడీలో 87.5% డైరెక్షనల్ ఎక్యూరసీ సాధించినట్లు చెప్పారు.

ప్రదర్శనలో భాగంగా వచ్చే 10-12 నెలల కార్యకలాపాలకు ₹4 కోట్ల నిధులు, వ్యూహాత్మక పైలట్, మెంటర్షిప్ కోరారు. వీరు ఇప్పటికే భారత్, అమెరికా ప్రభుత్వాలకు ప్రూఫ్ ఆఫ్ కాన్సెప్ట్లు అందించారని, Fortune 500 కంపెనీలు, బిగ్ ఫోర్ కన్సల్టింగ్ సంస్థలతో చర్చల్లో ఉన్నట్లు వివరించారు.

మెంటర్లు ధారావి పునరాభివృద్ధి ప్రాజెక్టులో ఒక సెక్టార్తో పైలట్ చేసే అవకాశం ఇచ్చారు. అదానీ గ్రూప్ తరఫున మెంటర్ ఈ సహకారానికి సుముఖత వ్యక్తం చేశారు. వందే భారతమ్లో టాప్ ఫైవ్ ఎంపికైతే ఫినాలేకు వెళ్లే అవకాశం ఉంది.