కె.ఉప్పలపాడు మల్లికార్జున స్వామి ఆలయంలో ప్రదోష కాల నందీశ్వర అభిషేకం

ప్రకాశం జిల్లా కె.ఉప్పలపాడు గ్రామంలో శ్రీ గంగా భ్రమరాంబ సమేత మల్లికార్జున స్వామి దేవాలయంలో ప్రదోష కాల నందీశ్వర అభిషేకం జరిగింది.

ప్రదోష త్రయోదశి సందర్భంగా వేద మంత్రాల నడుమ కావడ నీటితో నందీశ్వరుడికి అభిషేకం చేశారు. శ్రీశైలం, కొటప్ప క్షేత్రాల్లో మాత్రమే జరిగే ఈ పవిత్ర కార్యక్రమం ఇక్కడ జరగడం విశేషమని ఆలయ పూజారి రాఘవేంద్ర శర్మ తెలిపారు.

ఈ అభిషేకంలో పాల్గొన్న భక్తుల జాతకాల్లో చిక్కు దోషాలు నివృత్తి అవుతాయని పేర్కొన్నారు. కార్యక్రమంలో గ్రామస్తులు అధిక సంఖ్యలో పాల్గొన్నారు.