హైదరాబాద్‌లో ఇబ్రహీం కులీ కుతుబ్ షా సమాధి: పునరుద్ధరణ పనులు కొనసాగుతున్నాయి

హైదరాబాద్‌లోని కుతుబ్ షాహీ సమాధుల ప్రాంతంలో నాల్గవ సుల్తాన్ ఇబ్రహీం కులీ కుతుబ్ షా సమాధి ఉంది. ఈ సమాధిపై ప్రస్తుతం మరమ్మతు, పునరుద్ధరణ పనులు కొనసాగుతున్నాయి.

ఇబ్రహీం కులీ కుతుబ్ షా 1550 నుంచి 1580 వరకు పాలన చేశారు. హైదరాబాద్‌లో తెలుగు భాషను, తెలుగు కవులను ఆయన ప్రోత్సహించారు. మతాల మధ్య భేదం లేకుండా చూసిన పాలకుడిగా ఆయనకు పేరుంది.

సమాధి నిర్మాణంలో చిన్న చిన్న టైల్ ముక్కలతో డిజైన్ చేశారు. సమాధి చుట్టూ దాదాపు 20 స్తంభాలు ఉన్నాయి. ప్రతి సమాధికి రెండు వైపుల తలుపులు ఉంటాయి. ఈ సమాధికి ముందు వైపు, ఒక పక్క వైపు తలుపులు ఉన్నాయి. మిగిలిన రెండు వైపుల తలుపులు లేవు.

ఆయన కుమారుడు మహమ్మద్ కులీ కుతుబ్ షా హైదరాబాద్ నగరాన్ని స్థాపించారు. చార్మినార్‌ను కూడా ఆయనే కట్టించారు. ఆయన సమాధిపైనా పునరుద్ధరణ పనులు జరుగుతున్నాయి.

పునరుద్ధరణ పనులు జరుగుతున్నందున సమాధికి తలుపులు వేసి ఉన్నాయి. దీంతో ప్రస్తుతం లోపలికి వెళ్లే అవకాశం లేదు.