సీసీటీవీ కెమెరాలు, AIతో వాయు కాలుష్యాన్ని పర్యవేక్షించే ప్లాట్ఫాం అభివృద్ధి

హైదరాబాద్ లోని IIIT విద్యార్థులు సీసీటీవీ కెమెరాలు, ఆర్టిఫిషియల్ ఇంటెలిజెన్స్ (AI) సాయంతో నగరంలో వాయు కాలుష్యాన్ని పర్యవేక్షించే సాంకేతికతను అభివృద్ధి చేశారు.

ఈ వ్యవస్థ ఇప్పటికే నగరంలో ఉన్న సీసీటీవీ కెమెరాలకు AI సెన్సార్లు లింక్ చేయడం ద్వారా వాయు నాణ్యత డేటాను సేకరిస్తుంది.

ఈ 'సిటీ ఆపరేటింగ్ ప్లాట్ఫాం' అనే వ్యవస్థ, ఏ రకమైన సెన్సార్ డేటానైనా తీసుకొని, కమాండ్ కంట్రోల్ సెంటర్లో అర్థమయ్యేలా డేటాను చూపిస్తుంది. రోడ్లపై వాహనాల రద్దీ, ఉత్పన్నమయ్యే పొగ, గాలి కాలుష్య స్థాయి వంటి సమాచారాన్ని ఈ వ్యవస్థ అందిస్తుంది.

రెండేళ్ల క్రితం విద్యార్థులు ఒక కారుపై కెమెరా, సెన్సార్ ఏర్పాటు చేసి నగరమంతా తిప్పి పట్నంలో కాలుష్యం ఎక్కడెక్కడ తీవ్రంగా ఉందో గుర్తించే ప్రయోగం చేశారు. ఆ డేటా ఆధారంగా పట్టణ ప్రజలు తమ స్మార్ట్ఫోన్లో వాయు నాణ్యత తెలుసుకోగల ఒక యాప్ ను తీసుకువస్తామని వీరు చెప్తున్నారు.

ప్రస్తుతం కాలుష్య నియంత్రణ బోర్డులు ఖరీదైన పరికరాలతో గాలి నాణ్యతను కొలుస్తాయి. కానీ ఈ కొత్త వ్యవస్థ ఇప్పటికే ఉన్న మౌలిక సదుపాయాలతో తక్కువ ఖర్చుతో కాలుష్యాన్ని పర్యవేక్షించడానికి సహాయపడుతుంది.