IIT అడ్వాన్స్డ్ 2026: కరీంనగర్ ఆల్ఫోర్స్ విద్యార్థులకు అగ్ర ర్యాంకులు

ఐఐటి అడ్వాన్స్డ్ 2026 ఫలితాలు శుక్రవారం ఉదయం విడుదలయ్యాయి. కరీంనగర్ లోని ఆల్ఫోర్స్ ఐఐటి అకాడమీ విద్యార్థులు అత్యుత్తమ ప్రదర్శన కనబరిచారు.

సంస్థ అధినేత వి. నరేందర్ రెడ్డి తెలిపిన వివరాల ప్రకారం, కె.ప్రజ్ఞాన్ దీపక్ 75వ ర్యాంకు సాధించగా, లక్ష్మీ హాసిని 4వ ర్యాంకు సాధించింది. రత్న ప్రకాష్ తో సహా పలువురు విద్యార్థులు ఉన్నత ర్యాంకులు పొందారు.

1000 లోపు ర్యాంకు 6 మంది, 2000 లోపు 11 మంది, 3000 లోపు 19 మంది విద్యార్థులు నిలిచారు. మొత్తంగా 56 మంది విద్యార్థులు 10,000 లోపు ర్యాంక్ సాధించినట్లు నరేందర్ రెడ్డి వెల్లడించారు. “పటిష్టమైన ప్రణాళిక, నిరంతర పర్యవేక్షణ, విద్యార్థుల కృషే ఈ విజయానికి కారణం” అని ఆయన పేర్కొన్నారు.

ఈ అకాడమీ విద్యార్థులు JEE మెయిన్స్ లోనూ అత్యధిక పర్సంటైళ్లు సాధించారు. 99.94% వరకు పర్సంటైల్ నమోదు చేసినట్లు తెలిపారు. అలాగే BITSAT పరీక్షలో 50 మంది విద్యార్థులు 200 మార్కులు దాటి బిట్స్ పిలానీ, గోవా, హైదరాబాద్ క్యాంపస్ లలో సీట్లకు సిద్ధంగా ఉన్నారని, IIIT హైదరాబాద్, బెంగళూరు, ఢిల్లీ క్యాంపస్ ల్లోనూ అవకాశాలు ఉన్నాయని వివరించారు. గత సంవత్సరం ఈ సంస్థ నుంచి ఒక విద్యార్థి ఐఐటి చెన్నైలో చేరగా, ఈసారి ఒక విద్యార్థి ఐఐటి బాంబే లక్ష్యంగా పెట్టుకున్నాడు. ఐఐఎస్సి బెంగళూరులో మ్యాథమెటిక్స్ అండ్ కంప్యూటింగ్ సీటుకు కూడా విద్యార్థులు సన్నద్ధమవుతున్నారు.

కరీంనగర్, వరంగల్, ఆదిలాబాద్, హైదరాబాద్ ప్రాంతాల విద్యార్థులు ఈ విజయంలో పాలుపంచుకున్నారు. తెలంగాణలోనే గాకుండా ఇతర ప్రాంతాలతో పోలిస్తే ఆల్ఫోర్స్ ఫలితాలు గణనీయంగా ఉన్నాయని నరేందర్ రెడ్డి అభిప్రాయపడ్డారు.