రెండు గంటల్లో వర్షం: తెలంగాణలో పలు జిల్లాలకు IMD హెచ్చరిక

హైదరాబాద్ వాతావరణ కేంద్రం తెలంగాణలోని పలు జిల్లాలకు వర్ష హెచ్చరిక జారీ చేసింది. నాగర్‌కర్నూల్, వనపర్తి, గద్వాల్ ప్రాంతాల్లో రెండు గంటల్లో ఉరుముల మెరుపులతో కూడిన వర్షం కురవనున్నట్లు IMD తెలిపింది.

శంషాబాద్, ముచ్చింతల్, షాద్‌నగర్, మహబూబ్‌నగర్, వికారాబాద్ ప్రాంతాల్లో తేలికపాటి నుండి మోస్తరు వర్షాలు కురవనున్నాయి. ఈ ప్రాంతాల్లో గంటకు 40 నుండి 50 కిలోమీటర్ల వేగంతో గాలులు వీచే అవకాశం ఉందని అంచనా వేశారు. హైదరాబాద్ నగరంలో కూడా తేలికపాటి వర్షం పడవచ్చని తెలిపారు.

నైరుతి బంగాళాఖాతంలో తీవ్ర అల్పపీడనం కొనసాగుతోందని IMD వివరించింది. తూర్పు మధ్యప్రదేశ్ నుండి అంతర్గత కర్ణాటక వరకు ఒక ట్రఫ్ లైన్ ఏర్పడింది. దీని వల్ల రాష్ట్రంలో వర్షాలు కురుస్తున్నాయని హైదరాబాద్ వాతావరణ కేంద్రం అధికారులు తెలిపారు.

రానున్న రెండు మూడు రోజులు రాష్ట్రంలో తేలికపాటి నుండి మోస్తరు వర్షాలు కొనసాగే అవకాశం ఉంది. ఉష్ణోగ్రతలు రెండు నుండి మూడు డిగ్రీలు పెరిగే అవకాశం కూడా ఉందని IMD అంచనా వేసింది.