మంచిర్యాల, పెద్దపల్లిలో 47°C: IMD రెడ్ అలర్ట్ జారీ

తెలంగాణలోని మంచిర్యాల, పెద్దపల్లి జిల్లాల్లో ఉష్ణోగ్రతలు 47°C కి చేరాయి. IMD ఈ రెండు జిల్లాలకు రెడ్ అలర్ట్ జారీ చేసింది.

రామగుండం పారిశ్రామిక ప్రాంతంలో అత్యధికంగా 47°C నమోదైంది. సింగరేణి ప్రాంతంలో మంచిర్యాల, శ్రీరాంపూర్, మందమరి, బెల్లంపల్లి ప్రాంతాల్లో కూడా అధిక ఉష్ణోగ్రతలు నమోదవుతున్నాయి.

వేడిమి కారణంగా సింగరేణి open cast గనుల్లో బొగ్గు అంటుకుంటోందని నివేదికలు వస్తున్నాయి. రోజువారీ కూలీలు, వ్యవసాయ కార్మికులు, వ్యాపారులపై వడగాలుల ప్రభావం తీవ్రంగా ఉందని అధికారులు తెలిపారు.

రెడ్ అలర్ట్ కారణంగా ఉదయం 8 గంటల నుంచే రోడ్లు నిర్మానుషంగా మారుతున్నాయి. అవసరమైతే తప్ప బయటకు వెళ్లవద్దని వాతావరణ శాఖ, వైద్యులు హెచ్చరిస్తున్నారు.

రానున్న నాలుగు రోజులు ఉష్ణోగ్రతలు ఇదే స్థాయిలో కొనసాగుతాయని వాతావరణ శాఖ అధికారులు తెలిపారు.