తెలంగాణలో వర్షాలకు ఎల్లో అలర్ట్: కామారెడ్డి, కరీంనగర్ తదితర జిల్లాల్లో భారీ వర్షాలు

హైదరాబాద్: వాతావరణ శాఖ తెలంగాణ రాష్ట్రానికి ఎల్లో అలర్ట్ జారీ చేసింది. ఉపరితల ఆవర్తనాల ప్రభావంతో రాబోయే మూడు రోజుల్లో రాష్ట్రంలో విస్తారంగా వర్షాలు కురుస్తాయని తెలిపింది. కామారెడ్డి, కరీంనగర్, నిజామాబాద్, రాజన్న సిరిసిల్ల, సిద్దిపేట జిల్లాల్లో భారీ వర్షాలు పడే అవకాశం ఉన్నందున ఎల్లో అలర్ట్ ప్రకటించారు. వర్షాలతో పాటు గంటకు 30 నుండి 40 కిలోమీటర్ల వేగంతో ఈదురుగాలులు వీచే అవకాశం ఉందని హెచ్చరించింది. తగు జాగ్రత్తలు తీసుకోవాలని వాతావరణ శాఖ సూచించింది.