అదనపు సుంకాల ప్రతిపాదనపై అమెరికాకు భారత్ నిరసన

వెట్టిచాకిరి నిర్మూలన పేరుతో భారత్‌పై అదనపు సుంకాలు విధించాలన్న అమెరికా వాణిజ్య ప్రతినిధి (USTR) ప్రతిపాదనను భారత్ తీవ్రంగా విమర్శించింది.

ఈ ప్రతిపాదనలపై అమెరికాలో జరిగిన బహిరంగ విచారణలో కేంద్ర వాణిజ్య మంత్రిత్వ శాఖ సంయుక్త కార్యదర్శి బ్రిజ్ మోహన్ మిశ్రా భారత వాదన వినిపించారు. సుంకాల విషయంలో అమెరికా వైఖరి అస్థిరంగా ఉందని ఆయన పేర్కొన్నారు. కొన్నింటిపై భారీ సుంకాలు విధిస్తూ, తమ ప్రజలకు అవసరమైన 1,600 వస్తువులపై అమెరికా మినహాయింపులు ఇచ్చిందని తెలిపారు. ఈ చర్య అంతర్జాతీయ సరఫరా విధానాలకు విరుద్ధమని విమర్శించారు.

అమెరికా పత్తితో తయారైన వస్త్రాలపై మాత్రమే తక్కువ సుంకాలు వసూలు చేయడాన్ని ఆయన తప్పుపట్టారు. ఇది విదేశీ తయారీదారుల స్వేచ్ఛను దెబ్బ తీసే చర్య అని మిశ్రా అన్నారు. సెక్షన్ 301 పేరుతో ఏకపక్షంగా పన్నులు విధించడం సరికాదని ఆయన స్పష్టం చేశారు.

అమెరికాతో ద్వైపాక్షిక వాణిజ్య చర్చలకు భారత్ ఎప్పుడూ సిద్ధంగా ఉంటుందని, అయితే ఏకపక్ష చర్యలను అంగీకరించబోమని మిశ్రా తెలిపారు. ఈ విచారణలో CII ప్రతినిధులు కూడా పాల్గొని తమ అభిప్రాయాలు పంచుకున్నారు. 60 దేశాలపై 10 నుంచి 12.5% extra సుంకాలు విధించాలన్న అమెరికా ప్రతిపాదనను వారు కూడా వ్యతిరేకించారు.