భారత రైల్వేలో తొలి హైడ్రోజన్ రైలు ప్రయోగాత్మక పరుగు విజయం

భారతదేశం అభివృద్ధి చేసిన తొలి హైడ్రోజన్ రైలు తన ప్రయోగాత్మక పరుగును విజయవంతంగా పూర్తి చేసింది. 10 కోచ్ల ఈ రైలు జింద్-సోనిపట్ మధ్య 1200 కిలోమీటర్లకు పైగా ప్రయాణించింది.

రైల్వే మంత్రిత్వ శాఖ ప్రకారం, ఈ ప్రయోగం వల్ల 3200 లీటర్ల డీజిల్ ఆదా అయ్యింది. హైడ్రోజన్, ఆక్సిజన్ మధ్య రసాయన చర్యతో విద్యుత్ ఉత్పత్తి చేసుకునే ఈ రైలు కర్బన ఉద్గారాలు విడుదల చేయదు. కేవలం నీటి ఆవిరి మాత్రమే వెలువడుతుంది. రైల్లో రెండు హైడ్రోజన్ పవర్ కార్లు, లిథియం ఐరన్ ఫాస్ఫేట్ బ్యాటరీలు, హైడ్రోజన్ సిలిండర్లు ఉన్నాయి.

రైల్వే మంత్రి అశ్విని వైష్ణవ్ మాట్లాడుతూ, ఈ సాంకేతికత పూర్తిగా స్వదేశీ పరిజ్ఞానంతో రూపొందించబడిందని, మేథో సంపత్తి హక్కులు భారతదేశానికి ఉన్నాయని తెలిపారు. భవిష్యత్తులో ఈ సాంకేతికతను ఇతర దేశాలకు ఎగుమతి చేసే అవకాశం ఉందని ఆయన అన్నారు.

ప్రస్తుత అనుభవం ఆధారంగా త్వరలో ఢిల్లీ మార్గంలో మరిన్ని ప్రయోగాత్మక పరుగులు చేపట్టనున్నట్లు అధికారులు వెల్లడించారు.