ఇంగ్లాండ్‌తో మూడో వన్డేలో భారత్‌కు 27 పరుగుల ఓటమి

ఇంగ్లాండ్‌తో జరిగిన మూడో వన్డేలో టీమిండియా 27 పరుగుల తేడాతో ఓడిపోయింది. లార్డ్స్ మైదానంలో జరిగిన ఈ మ్యాచ్‌తో మూడు వన్డేల సిరీస్‌ను ఇంగ్లాండ్ 2-1 తేడాతో కైవసం చేసుకుంది.

ముందుగా బ్యాటింగ్ చేసిన ఇంగ్లాండ్ 3 వికెట్ల నష్టానికి 387 పరుగులు చేసింది. భారత్‌పై వన్డేల్లో ఇదే ఇంగ్లాండ్ అత్యధిక స్కోరు. ఓపెనర్ బెన్ డకెట్ సెంచరీ చేయగా, జాకబ్ బెతెల్, జో రూట్, జోస్ బట్లర్ రాణించారు. చివరి మూడు ఓవర్లలో భారత బౌలర్లు 62 పరుగులు సమర్పించుకోవడం కీలకంగా మారింది.

లక్ష్య ఛేదనలో భారత్ 7 వికెట్లకు 360 పరుగులు చేసి ఓడింది. రోహిత్ శర్మ 84 బంతుల్లో సెంచరీ చేసి రికార్డులు నెలకొల్పాడు. విరాట్ కోహ్లీ, శుభమాన్ గిల్ హాఫ్ సెంచరీలు సాధించినా ఓటమి తప్పలేదు. ఇషాన్ కిషన్, కేఎల్ రాహుల్ తక్కువ స్కోర్లకే వెనుదిరిగారు, శ్రేయాస్ అయ్యర్ డకౌటయ్యాడు.

ఇంగ్లాండ్ బౌలర్లలో సామ్ కర్రన్ 4 వికెట్లు తీయగా, ఆదిల్ రషీద్, జాకబ్ బెతెల్, జోఫ్రా ఆర్చర్ చెరో వికెట్ తీశారు. భారత్ తరఫున ప్రసిద్ధ్ కృష్ణ 2 వికెట్లు, ప్రిన్స్ యాదవ్ 1 వికెట్ తీశారు. రోహిత్ శర్మ లార్డ్స్‌లో సెంచరీ చేసిన తొలి భారత బ్యాటర్ గా, వన్డేల్లో అత్యధిక వయసులో సెంచరీ చేసిన భారత ఆటగాడిగా, ఇంగ్లాండ్ గడ్డపై అత్యధిక సెంచరీలు చేసిన పర్యాటక ఆటగాడిగా రికార్డులకెక్కాడు.