2036 ఒలింపిక్స్‌కు భారత్ సిద్ధం: ప్రధాని మోదీ

2036 ఒలింపిక్స్‌కు ఆతిథ్యం ఇచ్చేందుకు భారత్ సిద్ధంగా ఉందని ప్రధాని నరేంద్ర మోదీ అన్నారు. ఆస్ట్రేలియాతో ఉమ్మడి కార్యక్రమంలో ప్రసంగిస్తూ, భారత క్రీడా రంగం వేగంగా అభివృద్ధి చెందుతోందని ఆయన వివరించారు.

ఖేలో ఇండియా మిషన్ ద్వారా స్కూల్ స్థాయి నుంచే వేలాది క్రీడాకారుల పూల్‌ను తయారు చేస్తున్నామన్నారు. ఈ మిషన్ కింద మారుమూల ప్రాంతాల్లోనూ క్రీడా మౌలిక సదుపాయాలు ఏర్పాటు చేస్తున్నట్లు తెలిపారు. ముఖ్యంగా బాలికలకు ఎక్కువ అవకాశాలు లభిస్తున్నాయని చెప్పారు.

దీని ప్రభావం ఇటీవలి పోటీల్లో భారత క్రీడాకారుల ప్రదర్శనపై కనిపిస్తోందని ప్రధాని పేర్కొన్నారు. ఈ ఆత్మవిశ్వాసం భారత క్రీడా లీగ్‌లను తదుపరి స్థాయికి తీసుకెళ్తోందన్నారు. 2030 కామన్వెల్త్ గేమ్స్‌కు భారత్ ఆతిథ్యమివ్వనుండగా, 2036 ఒలింపిక్స్‌కు దేశం దావేదారుగా ఉందని ప్రకటించారు.