వెండి దిగుమతులపై కేంద్రం ఆంక్షలు — ధరలు పెరిగే అవకాశం

కేంద్ర ప్రభుత్వం వెండి దిగుమతులపై కొత్త నిబంధనలు విధించింది. ఇప్పటివరకు 'ఫ్రీ కేటగిరీ'లో ఉన్న వెండిని 'రిస్ట్రిక్టెడ్ కేటగిరీ'కి మార్చింది. ఇకపై వెండి దిగుమతి చేసుకోవాలంటే ముందస్తుగా ప్రభుత్వ అనుమతి తప్పనిసరి.

ఇప్పటివరకు వజ్రాలు, బంగారం, ప్లాటినం మాత్రమే రిస్ట్రిక్టెడ్ కేటగిరీలో ఉండేవి. ఇప్పుడు వెండి కూడా ఆ జాబితాలో చేరింది. ఫ్రీ కేటగిరీలో ఉన్న వస్తువులను ఎలాంటి అనుమతి లేకుండా దిగుమతి చేసుకోవచ్చు. రిస్ట్రిక్టెడ్ కేటగిరీ అంటే ముందస్తు అనుమతి తప్పనిసరి.

ఈ నిర్ణయానికి ప్రధాన కారణం విదేశీ మారక ద్రవ్య నిల్వలు కాపాడటం. రూపాయి విలువ మరింత పడిపోకుండా ఉండటానికి కూడా ఈ చర్య తీసుకున్నారు. బంగారంపై దిగుమతి సుంకం పెంచిన తర్వాత వెండి దిగుమతులు పెరిగాయి. దీంతో ప్రభుత్వం వెండిపై కూడా ఆంక్షలు విధించింది.

వెండి ధరలు పెరిగే అవకాశం ఉందని నిపుణులు అంటున్నారు. దిగుమతులు తగ్గితే సరఫరా తగ్గుతుంది. సరఫరా తగ్గడంతో ధరలు పెరుగుతాయి. వెండి కేవలం ఆభరణాలకే కాదు — electronics, solar panels వంటి పరిశ్రమలకు కూడా అవసరం. ఈ పరిశ్రమలపై కూడా ప్రభావం పడే అవకాశం ఉంది.

ఆంక్షలు పెరిగినప్పుడు అక్రమ రవాణ పెరిగే ప్రమాదం ఉంటుంది. అక్రమంగా వచ్చిన వెండిపై customs duty, GST ఉండవు. కాబట్టి మార్కెట్ ధర కంటే తక్కువకు దొరుకుతుంది. అయితే అలాంటి వెండిపై hallmark ఉండదు. స్వచ్ఛత నిర్ధారించుకోవడం కష్టం. పక్కా bill లేకపోవడం వల్ల భవిష్యత్తులో అమ్మడానికి లేదా exchange చేయడానికి ఇబ్బందులు వస్తాయి.