దుబాయ్లో ‘ప్రీకాన్ ఏఐ’ లోగో ఆవిష్కరించిన భారత కౌన్సిల్ జనరల్

దుబాయ్లో భారత కౌన్సిల్ జనరల్ డాక్టర్ ఈ విష్ణువర్ధన్ రెడ్డి ‘ప్రీకాన్ ఏఐ’ లోగోను ఆవిష్కరించారు. ఈ సాంకేతికత నిర్మాణ రంగంలో కృత్రిమ మేధస్సు (AI) వినియోగాన్ని మెరుగుపరచడానికి రూపొందించబడింది.

ఈ ప్రీకాన్ ఏఐ టెక్నాలజీని భారత్-కెనడా నిపుణులు అభివృద్ధి చేశారు. సందీప్ మక్తాలా సమన్వయంతో ఇది యూఏఈ మార్కెట్‌లోకి ప్రవేశిస్తోంది. గల్ఫ్ దేశాల్లో విస్తరించే లక్ష్యంతో ముందుకు వెళ్తోంది.

నిర్మాణ ప్రాజెక్టులలో ప్రణాళికలు తయారు చేయడం, వ్యయ అంచనా, డ్రాయింగ్ విశ్లేషణ వంటి ప్రక్రియలను ఈ AI టెక్నాలజీ వేగవంతం చేస్తుంది.

ఈ సందర్భంగా డాక్టర్ విష్ణువర్ధన్ రెడ్డి మాట్లాడుతూ, భారత్, కెనడా, యూఏఈల మధ్య సాంకేతిక భాగస్వామ్యాలు పెరగడం సానుకూల పరిణామమని, ఇలాంటి వేదికలు ప్రాంతీయ అభివృద్ధికి ఉపయోగపడతాయని తెలిపారు.

ప్రీకాన్ ఏఐ కంపెనీ ప్రతినిధి ఒకరు మాట్లాడుతూ, లోగో ఆవిష్కరణకు సహకరించిన టీ కన్సల్ట్, సందీప్ మక్తాలా, ఆయన బృందానికి ధన్యవాదాలు తెలిపారు. కెనడా, భారత్‌తోపాటు గల్ఫ్ దేశాల్లో విస్తరించాలనే లక్ష్యంతో ఈ కంపెనీ ముందుకు సాగుతోందని చెప్పారు.