హయత్‌నగర్‌లో ఇండియన్ ఆయిల్ ట్యాంకర్ బోల్తా; రెండు కార్లు ధ్వంసం, కొందరికి గాయాలు

రంగారెడ్డి జిల్లా హయత్ నగర్ సమీపంలోని లక్ష్మారెడ్డి పాలెం వద్ద ఇండియన్ ఆయిల్‌కు చెందిన పెట్రోల్ ట్యాంకర్ అదుపు తప్పి బోల్తా పడింది. ఈ క్రమంలో ట్యాంకర్ రోడ్డు పక్కన నిలిచి ఉన్న రెండు కార్లను ఢీకొట్టింది. ఈ ఘటనలో ఆ రెండు కార్లు ధ్వంసమయ్యాయి.

కార్లలో ప్రయాణిస్తున్న వారికి గాయాలయ్యాయి. ఈ ప్రమాదం కారణంగా జాతీయ రహదారిపై భారీ ట్రాఫిక్ నిలిచిపోయింది. సమాచారం అందుకున్న పోలీసులు ఘటనా స్థలానికి చేరుకుని ట్రాఫిక్‌ను క్లియర్ చేశారు. అలాగే, గాయపడిన వారిని సమీప ఆసుపత్రికి తరలించారు.