కర్నూలు మెడికల్ కాలేజ్ హాస్టల్‌లో పురుగుల అన్నం: 200 కిలోల కలుషిత బియ్యం సీజ్

కర్నూలు విశ్వభారతి మెడికల్ కాలేజ్ హాస్టల్‌లో విద్యార్థులకు పురుగుల అన్నం వడ్డిస్తున్నారనే ఆరోపణలు వెలుగు చూశాయి. విద్యార్థులు ఫొటోలు, వీడియోలతో గ్రీవెన్స్ సెల్‌కు ఫిర్యాదు చేశారు.

చాలా రోజులుగా నాణ్యత లేని ఆహారం అందిస్తున్నారని, శుభ్రత లోపించిందని విద్యార్థులు ఆవేదన వ్యక్తం చేశారు. హాస్టల్‌లోని వంటగది, స్టోర్ రూమ్‌లను ఆహార భద్రతా అధికారులు క్షుణ్ణంగా తనిఖీ చేశారు.

ఈ తనిఖీలో భారీగా పురుగులు పట్టిన బియ్యాన్ని గుర్తించారు. దాదాపు 200 కిలోల కలుషితమైన బియ్యాన్ని అధికారులు సీజ్ చేశారు. ఈ బియ్యంతో వండిన ఆహారం విద్యార్థుల ఆరోగ్యానికి హానికరమని అధికారులు భావిస్తున్నారు.

ప్రస్తుతం హాస్టల్‌లో పరిస్థితిపై కాలేజీ యాజమాన్యం స్పందించాల్సి ఉంది. అయితే, ఈ ఘటనపై విచారణ కొనసాగుతోంది.