తిరుమలలో భక్తుల రద్దీ కొనసాగుతోంది

తిరుమలలో వరుస సెలవుల కారణంగా భక్తుల రద్దీ ఎక్కువగా ఉంది. శుక్రవారం మొదలైన రద్దీ ఆదివారం వరకు కొనసాగుతోంది.

వైకుంఠం క్యూ కాంప్లెక్స్ లోని అన్ని కంపార్ట్‌మెంట్లు నిండిపోయాయి. బయట సేవా సదన్ వరకు క్యూ లైన్ విస్తరించింది. సర్వదర్శనానికి టోకెన్లు లేని భక్తులకు 24 గంటల సమయం పడుతున్నట్లు టీటీడీ అధికారులు తెలిపారు.

అధికారిక గణాంకాల ప్రకారం, 92,017 మంది భక్తులు స్వామి దర్శనం చేసుకున్నారు. 47,949 మంది తలనీలాలు సమర్పించారు. హుండీ కానుకల ద్వారా రూ. 3.93 కోట్లు లభించాయి. 4,63,000 లడ్డూలు విక్రయించారు. 3,23,000 మంది భక్తులు అన్నప్రసాదం స్వీకరించారు.