హైదరాబాద్‌లో మండాల ఆర్ట్ థెరపీ: ప్రకృతి నడక-చిత్రాలతో ఒత్తిడి నుంచి ఉపశమనం

హైదరాబాద్‌లో ఒత్తిడి, ఆందోళన నుంచి ఉపశమనం పొందేందుకు ఒక కొత్త విధానం ఆకట్టుకుంటోంది. నగరంలోని జూబ్లీహిల్స్ ప్రాంతంలో నిర్వహించిన ఒక ప్రత్యేక కార్యక్రమంలో ప్రకృతి నడక, మండాల ఆర్ట్ థెరపీని కలిపి అందించారు.

ఈ కార్యక్రమంలో పాల్గొన్న వారు చెట్ల నడుమ నడుస్తూ ఆకులు, పూలు సేకరించారు. ఆ తర్వాత వాటితో ఆకట్టుకునే మండాల డిజైన్లు రూపొందించారు. ఇది ధ్యానం వంటి అనుభూతి కలిగించిందని పాల్గొన్నవారు చెప్పారు.

యోగా చేయడం కొందరికి కష్టంగా అనిపిస్తుందని, అందుకే పెయింటింగ్, పాట్రీ వంటి క్రియేటివ్ యాక్టివిటీస్‌పై ఆసక్తి చూపేవారిని దృష్టిలో పెట్టుకుని ఈ థెరపీ రూపొందించారు. ఒక పాల్గొన్న వ్యక్తి మాట్లాడుతూ, "మండాల ఆర్ట్, ప్రకృతిలో నడక నాకు చాలా రిలాక్సింగ్‌గా ఉంది. మంచి అనుభవం కలిగించింది" అని తెలిపారు.

ఇటువంటి కార్యక్రమాలు మానసిక ప్రశాంతతకు దోహదం చేస్తాయని నిర్వాహకులు భావిస్తున్నారు. ప్రకృతికి దగ్గరగా గడపడం వల్ల మనసు నిమ్మలంగా ఉంటుందని పాల్గొన్నవారు స్పందించారు.