పలాస ఎయిర్పోర్టు భూనిర్వాసిత రైతులతో కేంద్రమంత్రి రామ్మోహన్ నాయుడు సమావేశం

శ్రీకాకుళం జిల్లా పలాసలో ప్రతిపాదిత విమానాశ్రయ భూసేకరణపై కేంద్రమంత్రి రామ్మోహన్ నాయుడు నేరుగా రైతులతో సమావేశమయ్యారు.

స్థానిక ఎమ్మెల్యే శిరీష, కలెక్టర్ దినకర్‌లతో కలిసి ఆయన నిర్వాసిత గ్రామాల ప్రజలతో మాట్లాడారు. భూములు కోల్పోతామన్న భయంతో రైతులు ఏడాదిగా అధికారులను గ్రామంలోకి అనుమతించని నేపథ్యంలో ఈ భేటీ జరిగింది.

రామ్మోహన్ నాయుడు రైతుల్లోని అపోహలను స్పష్టంగా తొలగించే ప్రయత్నం చేశారు. ఎయిర్పోర్టు నిర్మాణానికి భూమి తప్పనిసరని, పెద్ద మనసుతో అభివృద్ధికి సహకరించాలని విజ్ఞప్తి చేశారు. నష్టపోయిన చెట్లకు పరిహారం, నిర్వాసిత కుటుంబాలకు కింద కొంత భూమితో పాటు నగదు నష్టపరిహారం ఇస్తామని హామీ ఇచ్చారు. ప్రాజెక్టును అహంకారంతో కాకుండా గౌరవంగా ముందుకు తీసుకెళ్తామని తెలిపారు.