NTR జిల్లాలో ఐస్‌క్రీమ్ ఫ్యాక్టరీలో మంటలు; ప్రాణ నష్టం లేదు

ఎన్టీఆర్ జిల్లాలోని కొత్త ఆటో నగర్‌లో ఓ ఐస్‌క్రీమ్ ఫ్యాక్టరీలో మంటలు చెలరేగాయి. షార్ట్ సర్క్యూట్ కారణంగానే ఈ ప్రమాదం జరిగి ఉంటుందని అధికారులు అనుమానిస్తున్నారు.

సమాచారం అందిన వెంటనే అగ్నిమాపక సిబ్బంది ఘటనాస్థలానికి చేరుకుని మంటలను అదుపు చేశారు. మంటలు మరింత వ్యాపించకుండా అడ్డుకున్నారు. దట్టమైన పొగ వ్యాపించడంతో స్థానికులు భయాందోళనకు గురయ్యారు.

ఈ ఘటనలో ఎలాంటి ప్రాణ నష్టం జరగలేదు. పరిస్థితి పూర్తిగా అదుపులోకి వచ్చింది.