పొగాకు రైతులకు రూ.50 వేల వడ్డీ లేని రుణం: కేంద్ర మంత్రి పెమ్మసాని

ఆంధ్రప్రదేశ్ లోని పొగాకు రైతులకు రూ.50,000 వడ్డీ లేని రుణం మంజూరు చేస్తున్నట్లు కేంద్ర మంత్రి పెమ్మసాని చంద్రశేఖర్ ప్రకటించారు. ఈ రుణం సుమారు 40 వేల మంది రైతులకు లబ్ధి చేకూరుస్తుందని తెలిపారు.

రెండేళ్ల కాలానికి ఈ రుణం ఇవ్వనున్నారు. రైతులు రెండు దశల్లో చెల్లించాల్సి ఉంటుంది. మొత్తం 45 వేల బాండ్లు జారీ చేయనున్నట్లు ఆయన తెలిపారు. దీని ద్వారా కేంద్రం నుంచి రూ.250 కోట్లు రైతులకు అందుతాయి.

అదనంగా, రాష్ట్ర ప్రభుత్వం లో అండ్ హాఫ్ స్టైల్ పొగాకుకు కిలోకు రూ.10 చొప్పున సబ్సిడీ ఇస్తోంది. దాదాపు 94 మిలియన్ కేజీల ఉత్పత్తికి ఈ సహాయం లభిస్తుంది. రాష్ట్ర బడ్జెట్ నుంచి రూ.100 కోట్లు ఖర్చవుతాయని మంత్రి వెల్లడించారు.

గతేడాది రాష్ట్ర ప్రభుత్వం మార్కెట్ ఇంటర్వెన్షన్ స్కీమ్ కింద బ్లాక్ బర్లీ పొగాకును రూ.146 కోట్లతో కొనుగోలు చేసిందని ఆయన గుర్తు చేశారు. ప్రస్తుతం ఎగుమతిదారులు పంట కొనుగోలుకు హామీ ఇచ్చారని చెప్పారు.