అమరావతిలో జూన్ 21న అంతర్జాతీయ యోగా దినోత్సవం: మంత్రి సత్యకుమార్

అమరావతిలో జూన్ 21న అంతర్జాతీయ యోగా దినోత్సవం నిర్వహిస్తున్నట్లు మంత్రి సత్యకుమార్ తెలిపారు. వెస్టరన్ బైపాస్ సమీపంలో ఈ కార్యక్రమం ఉంటుందని చెప్పారు.

జూన్ 7 నుంచి 20 వరకు ప్రత్యేక యోగా శిక్షణ, ప్రదర్శనలు వంటి కార్యక్రమాలు నిర్వహిస్తున్నట్లు వెల్లడించారు. యోగ, ప్రాణాయామం మానసిక ఒత్తిడి తగ్గించడంలో సహాయపడతాయని ఆయన అన్నారు. ముఖ్యమంత్రి చంద్రబాబు నాయుడు ఆరోగ్య సంరక్షణపై ప్రత్యేక దృష్టి పెట్టారని స్పష్టం చేశారు.

2014లో ప్రధానమంత్రి నరేంద్ర మోదీ చేసిన ప్రతిపాదన మేరకు ఐక్యరాజ్యసమితి జూన్ 21ని అంతర్జాతీయ యోగా దినోత్సవంగా గుర్తించింది. ప్రస్తుతం 175కి పైగా దేశాలు ఈ రోజున యోగా దినోత్సవాన్ని జరుపుకుంటున్నాయి. గత సంవత్సరం ఆంధ్రప్రదేశ్‌లో సుమారు 2.5 కోట్ల మంది వివిధ యోగా కార్యక్రమాల్లో పాల్గొన్నారు. ఈ సంవత్సరం ఆధ్యాత్మిక పర్యాటక కేంద్రాలను కలిపి సమాజంలోని అన్ని వర్గాల భాగస్వామ్యంతో భారీ స్థాయి వేడుకలు నిర్వహించాలని ప్రభుత్వం భావిస్తోంది.