ఉప్పల్ IPL మ్యాచ్ టికెట్లు బ్లాక్ మార్కెట్లో — మల్కాజగిరి పోలీసులు 10 మందిని అరెస్టు చేశారు

హైదరాబాద్ ఉప్పల్ రాజీవ్ గాంధీ ఇంటర్నేషనల్ స్టేడియంలో రేపు SRH వర్సెస్ RCB మ్యాచ్ జరగనుంది. ఈ మ్యాచ్ టికెట్లు బ్లాక్ మార్కెట్లో అమ్ముడవుతున్నాయని పోలీసులు నిర్ధారించారు.

మల్కాజగిరి పోలీసులు బ్లాక్ టికెట్లు అమ్మిన 10 మందిని అరెస్టు చేశారు. స్టేడియం పరిసరాల్లో బ్లాక్ టికెట్ దందా చేసే వారిపై కఠిన చర్యలు తీసుకుంటామని పోలీసులు హెచ్చరించారు.

ఈ నెల 15వ తారీకు సాయంత్రం 5 గంటలకు Zomato District app లో టికెట్ అమ్మకాలు ప్రారంభమయ్యాయి. అప్పుడు 3 లక్షలకు పైగా queue లైన్లు కనిపించాయి. ఇంతకు ముందు ఏ SRH మ్యాచ్‌కూ ఇంత డిమాండ్ రాలేదు. చాలా మంది అభిమానులు గంటల తరబడి వేచి ఉన్నా టికెట్లు దక్కలేదు.

SRH యాజమాన్యం చివరి మ్యాచ్ అని టికెట్ ధరలు భారీగా పెంచింది. ₹950 టికెట్ ₹1,950కు, ₹3,500 గ్యాలరీ టికెట్ ₹6,000కు, ₹7,000 టికెట్ ₹10,000కు, ₹23,000 box టికెట్ ₹30,000కు, ₹30,000 corporate box టికెట్ ₹45,000కు పెంచారు.

Zomato District app పోలిన నకిలీ apps తయారు చేసి Facebook, Instagram వంటి social media ద్వారా టికెట్లు అమ్ముతున్నామని మోసగాళ్లు ప్రచారం చేస్తున్నారు. ఆ links ద్వారా UPI payments చేస్తే మోసపోతారని పోలీసులు హెచ్చరించారు. టికెట్లు ఇప్పటికే sold out అయ్యాయి కాబట్టి నకిలీ apps వైపు వెళ్లొద్దని పోలీసులు సూచిస్తున్నారు.